വിജയ് നായകനായ എത്തുന്ന ഓരോ സിനിമയും ആരാധകർക്ക് വെറുമൊരു സിനിമ മാത്രമല്ല. ജീവിതത്തിലെ എല്ലാ വിഷമങ്ങളും മറന്നു കുറച്ചുനിമിഷം ആഘോഷമാക്കാൻ ഉള്ളതാണ് ഓരോ വിജയ് ചിത്രവും. ഒരു വിജയിച്ചിത്രം തിയേറ്ററുകളിൽ എത്താനായി മാസങ്ങളോളം ദിവസങ്ങൾ ഇനി കാത്തിരിക്കുന്നവരുണ്ട്. ലിയോ തിയേറ്ററുകളിൽ എത്തിയപ്പോഴും ആരാധകർ ഒരു സിനിമയെ എത്രത്തോളം സ്‌നേഹിക്കുന്നു എന്നതിൻറെ നേർക്കാഴ്ചകൾ കാണാനായി. കടുത്ത വിജയ് ആരാധകരായ വധൂവരന്മാർ ലിയോ പ്രദർശിപ്പിക്കുന്ന തിയറ്ററിൽ എത്തി മാലയിടുന്നതിൻറെ വീഡിയോയാണ് പുറത്തുവന്നിരിക്കുന്നത്.
തമിഴ്‌നാട്ടിലെ പുതുക്കോട്ടയിലാണ് ഇത്തരത്തിൽ ഒരു മാലയിടൽ നടന്നത്.വെങ്കടേഷും മഞ്ജുളയുമാണ് തങ്ങൾക്ക് പ്രിയപ്പെട്ട വിജയുടെ ലിയോ കളിക്കുന്ന തിയേറ്ററിൽ എത്തി മാലയിട്ടത്.വിജയ് ആരാധക സംഘടനയായ വിജയ് മക്കൾ ഇയക്കം ഭാരവാഹികളും ഇതേ തിയേറ്ററിൽ തന്നെ ഉണ്ടായിരുന്നു.
ലോകേഷ് സിനിമാറ്റിക് യൂണിവേഴ്‌സിൻറെ ഭാഗമായ മൂന്നാമത്തെ ചിത്രമായി ലിയോ മാറി.കൈതി, വിക്രം എന്നിവയാണ് ഈ യൂണിവേഴ്‌സിലെ ആദ്യ രണ്ട് ചിത്രങ്ങൾ.അഡ്വാൻസ് റിസർവേഷനിലൂടെത്തന്നെ ചിത്രം റെക്കോർഡ് കളക്ഷനാണ് നേടിയിരിക്കുന്നത്. ആദ്യദിന കളക്ഷൻ വിവരങ്ങൾ നിർമ്മാതാക്കൾ വൈകാതെ പുറത്തുവിടും.
