ഷൈന്‍ ടോം ചാക്കോ, ജാഫര്‍ ഇടുക്കി, കലാഭവന്‍ ഷാജോണ്‍ എന്നിവര്‍ പ്രധാന വേഷങ്ങളിലെത്തുന്ന പുതിയ ചിത്രമാണ് 'ചാട്ടുളി'.രാജ് ബാബു സംവിധാനം ചെയ്യുന്ന 'സിനിമയുടെ പുതിയ പോസ്റ്ററാണ് ശ്രദ്ധ നേടുന്നത്.
പോസ്റ്റര്‍ കണ്ടാല്‍ ഒറ്റനോട്ടത്തില്‍ ആളെ പിടികിട്ടില്ല. അത്രയ്ക്ക് ഡോക്ടര്‍ രജിത്ത് കുമാറിനെ സിനിമയ്ക്ക് വേണ്ടി മാറ്റിയെടുത്തിരിക്കുന്നു.
നഞ്ചപ്പന്‍ എന്നാണ് അദ്ദേഹം അവതരിപ്പിക്കുന്ന കഥാപാത്രത്തിന്റെ പേര്. അട്ടപ്പാടിയിലാണ് ചിത്രീകരണം പൂര്‍ത്തിയാക്കിയത്.കാര്‍ത്തിക് വിഷ്ണു, ശ്രുതി ജയന്‍, ലതാ ദാസ്, വര്‍ഷ പ്രസാദ് തുടങ്ങിയവരാണ് മറ്റു പ്രധാന വേഷങ്ങളില്‍ എത്തുന്നത്.
കഥ, തിരക്കഥ, സംഭാഷണം എന്നിവ ജയേഷ് മൈനാഗപ്പള്ളി ആണ് എഴുതിയിരിക്കുന്നത്.പ്രമോദ് കെ. പിള്ള ഛായാഗ്രഹണം നിര്‍വ്വഹിക്കുന്നു. ഏങ്ങണ്ടിയൂര്‍ ചന്ദ്രശേഖരന്‍, ആന്റണി പോള്‍, നിഖില്‍ എസ്. മറ്റത്തില്‍, ഫൈസല്‍ പൊന്നാനി എന്നിവരുടെ വരികള്‍ക്ക് ബിജിബാല്‍, രാഹുല്‍ രാജ് ജസ്റ്റിന്‍ ഫിലിപ്പോസ് എന്നിവര്‍ ചേര്‍ന്നാണ് സംഗീതം ഒരുക്കിയിരിക്കുന്നത്.നെല്‍സണ്‍ ഐപ്പ് സിനിമാസ്, ഷാ ഫൈസി പ്രൊഡക്ഷന്‍സ്, നവതേജ് ഫിലിംസ് എന്നീ ബാനറുകളില്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
