അരിക്കൊമ്പന്റെ ജീവിത കഥ പറയുന്ന സിനിമ വരുന്നു.പെരിയാര്‍ കടുവാ സങ്കേതത്തിലേക്ക് മാറ്റിയതിന് പിന്നാലെ ആയിരുന്നു ചിത്രം സംവിധായകന്‍ സാജിദ് യാഹിയ പ്രഖ്യാപിച്ചത്. ചിത്രത്തിന്റെ പുതിയ പോസ്റ്റര്‍ ആണ് ശ്രദ്ധ നേടുന്നത്.
'റിട്ടേണ്‍ ഓഫ് ദി കിംഗ്'എന്ന ക്യാപ്ഷനോടെയാണ് നിര്‍മ്മാതാക്കള്‍ പുതിയ പോസ്റ്റര്‍ പുറത്ത് വിട്ടത്.
'മലകടത്തീട്ടും മരുന്നുവെടി വെച്ചിട്ടും മനുഷ്യര് മറന്നിട്ടും അവന്‍ തിരിച്ചു വന്നു. അവന്റെ അമ്മയുടെ ഓര്‍മ്മയിലേക്ക്''-എന്നാണ് പോസ്റ്ററിനൊപ്പം സംവിധായകന്‍ കുറിച്ചത്. സ്വന്തം വാസസ്ഥലത്തില്‍ നിന്നും മാറ്റി പാര്‍പ്പിക്കേണ്ടി വന്ന കാട്ടാനയുടെ കഥയുമായി സംവിധായകന്‍ സാജിദ് യാഹിയ എത്തുകയാണ്.
സുഹൈല്‍ എം കോയയുടേതാണ് കഥ.ബാദുഷാ സിനിമാസിന്റെയും പെന്‍ ആന്‍ഡ് പേപ്പര്‍ ക്രിയേഷന്‍സിന്റെയും ചേര്‍ന്ന് നിര്‍മ്മിക്കുന്ന സിനിമ ഇക്കഴിഞ്ഞ ദിവസമായിരുന്നു പ്രഖ്യാപിച്ചത്.
