പ്രഭാസിന്റെ ആദിപുരുഷ് ഒരുങ്ങുകയാണ്.രാമായണത്തെ അടിസ്ഥാനമാക്കിയുള്ള സിനിമയുടെ ഫസ്റ്റ് ലുക്ക് പുറത്തിറങ്ങി.ഓം റൗട്ട് സംവിധാനം ചെയ്യുന്ന ചിത്രത്തിന്റെ ഇംഗ്ലീഷ്, തമിഴ്, തെലുങ്ക്, മലയാളം, കന്നഡ ഭാഷകളിലുളള പോസ്റ്ററുകളാണ് പുറത്തുവന്നത്.
ആദിപുരുഷ് 2023 ജനുവരി 12-ന് തിയേറ്ററുകളില്‍ എത്തും. സിനിമയുടെ ആദ്യത്തെ പോസ്റ്ററും ടീസറും ഒക്ടോബര്‍ 2-ന് രാത്രി 7:11-ന് പുറത്തുവരുമെന്ന് നിര്‍മ്മാതാക്കള്‍ അറിയിച്ചു.
കൃതി സനോണ്‍, സെയ്ഫ് അലി ഖാന്‍, സണ്ണി സിംഗ് എന്നിവരാണ് പ്രധാന വേഷങ്ങളില്‍ എത്തുന്നത്. ചിത്രത്തില്‍ ലക്ഷ്മണനായാണ് സണ്ണി എത്തുന്നത്. സീതയുടെ വേഷം കൃതി ചെയ്യും, സെയ്ഫ് അലി ഖാനാണ് രാവണന്റെ കഥാപാത്രത്തെ അവതരിപ്പിക്കുന്നത്.
