ആവേശത്തിലെ പാട്ടിനിടെ തെറിവിളിയുമായി ശ്രീനാഥ് ഭാസി; വിമര്‍ശിച്ചും ട്രോളിയും സോഷ്യല്‍ മീഡിയ
ആവേശം സിനിമയിലെ ഈ പാട്ട് ഒരു വേദിയില്‍ പാടുന്നതിനിടെ തെറിവിളിയുമായി നടന് ശ്രീനാഥ് ഭാസി
ആവേശം സിനിമയിലെ 'മോനേ ജാട...' തരംഗം തീരുന്നില്ല.വിനായക് ശശികുമാറിന്റെ വരികള്‍ക്ക് സുഷിന്‍ ശ്യാം സംഗീതം ഒരുക്കിയ ഗാനം ശ്രീനാഥ് ഭാസിയാണ് ആലപിച്ചത്. ഇപ്പോഴിതാ ആവേശം സിനിമയിലെ ഈ പാട്ട് ഒരു വേദിയില്‍ പാടുന്നതിനിടെ തെറിവിളിയുമായി നടന് ശ്രീനാഥ് ഭാസി. ഗാനത്തിനിടെ ശ്രീനാഥ് ഭാസി തന്നെ കേട്ടാലറയ്ക്കുന്ന അസഭ്യം വിളിച്ചു പറയുന്നു. നടന്റെ തെറിവിളികള്‍ പാട്ടിനൊപ്പം വരുമ്പോള്‍ കാണികള്‍ ആസ്വദിച്ച് അത് കേള്‍ക്കുന്നതും പുറത്തുവന്ന വീഡിയോയില്‍ കാണാം.
നടന് പാട്ട് അവതരിപ്പിച്ച വേദി ഏതാണെന്ന് വിവരം ഇതുവരെയും പുറത്തുവന്നിട്ടില്ല. ഇന്‍സ്റ്റഗ്രാമിലെ വിവിധ പേജുകളിലൂടെയാണ് വീഡിയോ പുറത്തുവന്നത്. ട്രോള്‍ പേജുകളിലും ശ്രീനാഥ് ഭാസിയുടെ പുത്തന്‍ പാട്ട് വൈറലാണ്.താരത്തെ വിമര്‍ശിച്ചും പരിഹസിച്ചും നിരവധി കമന്റുകളും പ്രത്യക്ഷപ്പെട്ടു.
തിയേറ്ററുകളില്‍ വന്‍ വിജയമായി മാറിയ ആവേശം സിനിമ ജിത്തു മാധവനാണ് സംവിധാനം ചെയ്തത്. സിനിമയിലെ ഗാനങ്ങളെല്ലാം ട്രെന്‍ഡിംഗ് ലിസ്റ്റില്‍ ഇടം നേടുകയും ചെയ്തു.
