‘അന്ന് ഞാന്‍ ആത്മഹത്യയെക്കുറിച്ച് പോലും ചിന്തിച്ചിട്ടുണ്ട്‘; വെളിപ്പെടുത്തലുമായി നടി
ഞാന്‍ ആത്മഹത്യയെക്കുറിച്ച് പോലും ചിന്തിച്ചിട്ടുണ്ട്‘; വെളിപ്പെടുത്തലുമായി നടി
ബോളിവുഡ് നായികമാരില്‍ കുട്ടികുറുമ്പ് വിടാത്ത നടിയാണ് ആലിയ ഭട്ട്. കുട്ടിത്തം തുളുമ്പുന്ന മുഖമാണെങ്കിലും അഭിനയത്തിന്റെ കാര്യത്തില്‍ ആളു പുലിയാണ്. ശ്രദ്ധേയമായ നിരവധി കഥാപാത്രങ്ങള്‍ ആര്യ സ്വന്തമാക്കിയിട്ടുണ്ട്. ബോളിവുഡിലെ മറ്റ് താരങ്ങളേപ്പോലെ തന്നെ ആലിയയും ഗോസിപ്പ് കോളങ്ങളിലെ നിറഞ്ഞ സാന്നിദ്ധ്യമാണ്.
ആലിയ ഭട്ട് ഈ അടുത്ത് നല്‍കിയ ഒരു അഭിമുഖത്തില്‍ ആത്മഹത്യയേക്കുറിച്ച് പോലും താന്‍ ചിന്തിച്ചു പോയ ആ നിമിഷത്തേക്കുറിച്ച് പറയുകയുണ്ടായി. തന്റെ സ്‌കൂള്‍ അനുഭവത്തേക്കുറിച്ച് ചോദിച്ചപ്പോഴാണ് ആലിയ ഇത് വ്യക്തമാക്കിയത്. നാലാം ക്ലാസില്‍ പഠിക്കുമ്പോള്‍ ഓട്ട മത്സരത്തില്‍ തോറ്റ് പോയി. അന്ന് തനിക്ക് സങ്കടം അടക്കാനായില്ല. ആത്മഹത്യയേക്കുറിച്ച് പോലും ചിന്തിച്ചെന്ന് ആലിയ പറഞ്ഞു.
ആ നിമഷത്തില്‍ സ്വാന്തനവുമായി എത്തിയ ടീച്ചറിന്റെ വാക്കുകളാണ് ആലിയക്ക് പ്രചോദനമായത്. 'വിജയത്തെ ഇത്രകണ്ട് ശ്രേഷ്ഠമെന്ന് കരുതുന്ന നീ വിജയത്തിലെത്താന്‍ പരിശ്രമിക്കുന്നില്ലല്ലോ' എന്നായിരുന്നു ടീച്ചര്‍ ആലിയയോട് പറഞ്ഞത്. ആ വാക്കുകള്‍ തന്റെ മനസില്‍ ശരിക്കും പതിഞ്ഞു പോയെന്ന് ആലിയ പറയുന്നു. വിജയം യാന്ത്രികമല്ല അധ്വാനിച്ചാല്‍ മാത്രമേ അത് ഫലപ്രദമാകുകയൊള്ളുവെന്നും ആലിയ പറയുന്നു.
